關於小Bee Bee K1 選校嘅問題，諗黎諗去都仲未決定到讀邊間... 唯有自私少少，兩間學校都交留位費，再考慮清楚多幾個月喇。

我知道有好多 on waiting list 嘅小朋友都好心急，希望有多過一個 offer 響手嘅人可以快 D 作出決定，唔好霸住晒 D 學位...

請原諒我呢個自私嘅決定，因為對我，對小Bee Bee 黎講，呢個實在係一個重大嘅決定
(極可能係我自己誇張左... 但我覺得呢三年嘅幼稚園生活好可能會影響左小朋友將來鍾唔鍾意返學、性格...)

今日我同小Bee Bee 就去左 SC 交留位費，小Bee Bee 似乎都幾鍾意間學校~

而令我最 surprise 嘅就係，原來小Bee Bee 響我不知不覺中已經長大左好多! 可能係已經返左學一排，小Bee Bee 而家已學識同其他小朋友一齊分享一齊玩之前。

之前怕陌生嘅問題已經解決，今日嘅小Bee Bee 見玩具屋裡面有小朋友玩緊佢都會照入去一齊玩

望住響玩具屋裡面玩緊嘅小Bee Bee，我突然有好深嘅感受 - 就係呢個笑容! 由小Bee Bee 出世果一刻起，我一直渴求嘅無非就係小Bee Bee 可以快樂，開心!

一於讀 SC 喇!!

..................................................................

都未返到屋企，仲響小巴度時我就諗... 三年嘅開心快樂，但上到小學如果 catch up 唔到，咁換黎嘅會唔會係將來三十年嘅唔開心呢???

點解我轉得咁快呀??!! 我根本真係做唔到決定! 再係咁落去每日自己思想鬥爭，會唔會小Bee Bee 未正式上 K1 我就癫左架

Thank you Matthew 邀請我地參加佢嘅三歲生日會


我地玩得好開心~


尤其係媽咪...


又食又拎，英雄本色


如果每日都有生日會就好喇

好開心今日收到根德園幼稚園 (KV) 嘅 offer，我決定唔再同小Bee Bee 去其餘學校 interview 喇

我覺得小Bee Bee 真係好叻好叻! 只得兩歲幾人仔就要承受 interview 嘅壓力，又要乖又要答陌生人嘅問題，仲要無啦啦唱歌比陌生人聽！我係成年人，我自問都做唔到...

而家小Bee Bee有 St. Catherine’s (SC) 同根德園 (KV) 嘅offer 已經好足夠，我唔忍心再見到小Bee Bee戰戰兢兢嘅樣

SC 同 KV 同樣係數一數二嘅好學校，但呢兩間幼稚園無論校風，教學方針等等都可謂南轅北澈…

SC 係比較接近活動教學嘅模式，主要賣點係有 NET (Native English Teacher)，學生嘅英文同 presentation 比較強 。

KV 就係比較傳統式嘅學校，著重紀律，老師對學生品德同學術成績嘅要求都比較嚴謹。

KV 無外籍老師但中文同數學成績保証好，對升小學有直接幫助。

其實我個人意願係比較偏向 KV，因為我想小Bee Bee 將來上到小學可以輕鬆 d，我唔想佢放學仲要去補習。

我覺得放學做完功課就應該玩，返興趣班可以，但補 phonics、補 maths，補中文

同埋我寧願襯小Bee Bee 6歲前仲係海綿階段時打好個底，好過上到小學 catch up 唔到~ 唔係就好似我以前一上中學 catch up 唔到，辛苦得黎個人又無晒信心

但老公就話 prefer SC 多 d，因為想小Bee Bee 讀得開心 d~

諗諗下老公又啱喎，當初小Bee Bee 開始返幼兒班，我嘅心願無非都係想小Bee Bee 返學返得開開心心姐

孤注一擲，放棄 KV 學位啦！........ 會唔會後悔呢？煩死人喇~~~

最初驚無學校收小Bee Bee，而家好彩有學校收又心大心細驚揀錯學校比小Bee Bee... 好煩呀

終於明白點解 d 人話「為人父母甚艱難！」