好開心今日收到根德園幼稚園 (KV) 嘅 offer，我決定唔再同小Bee Bee 去其餘學校 interview 喇

我覺得小Bee Bee 真係好叻好叻! 只得兩歲幾人仔就要承受 interview 嘅壓力，又要乖又要答陌生人嘅問題，仲要無啦啦唱歌比陌生人聽！我係成年人，我自問都做唔到...

而家小Bee Bee有 St. Catherine’s (SC) 同根德園 (KV) 嘅offer 已經好足夠，我唔忍心再見到小Bee Bee戰戰兢兢嘅樣

SC 同 KV 同樣係數一數二嘅好學校，但呢兩間幼稚園無論校風，教學方針等等都可謂南轅北澈…

SC 係比較接近活動教學嘅模式，主要賣點係有 NET (Native English Teacher)，學生嘅英文同 presentation 比較強 。

KV 就係比較傳統式嘅學校，著重紀律，老師對學生品德同學術成績嘅要求都比較嚴謹。

KV 無外籍老師但中文同數學成績保証好，對升小學有直接幫助。

其實我個人意願係比較偏向 KV，因為我想小Bee Bee 將來上到小學可以輕鬆 d，我唔想佢放學仲要去補習。

我覺得放學做完功課就應該玩，返興趣班可以，但補 phonics、補 maths，補中文

同埋我寧願襯小Bee Bee 6歲前仲係海綿階段時打好個底，好過上到小學 catch up 唔到~ 唔係就好似我以前一上中學 catch up 唔到，辛苦得黎個人又無晒信心

但老公就話 prefer SC 多 d，因為想小Bee Bee 讀得開心 d~

諗諗下老公又啱喎，當初小Bee Bee 開始返幼兒班，我嘅心願無非都係想小Bee Bee 返學返得開開心心姐

孤注一擲，放棄 KV 學位啦！........ 會唔會後悔呢？煩死人喇~~~

最初驚無學校收小Bee Bee，而家好彩有學校收又心大心細驚揀錯學校比小Bee Bee... 好煩呀

終於明白點解 d 人話「為人父母甚艱難！」

小Bee Bee ：「再過無幾耐就到我最鍾意嘅聖誕節喇，到時就可以見到我嘅好朋友 - Santa Claus 」

小Bee Bee ：「媽咪話如果我乖 Santa Claus 就會黎送禮物比，咁等我快 d 將聖誕樹整靚靚，Santa Claus 見到一定會好開心姐~」


好小心，好比心機...


小Bee Bee ：「好野! 我掛到喇 」

真係真係真係真係真係好開心!!

因為頭先收到St. Catherine's 嘅取錄信喇

雖然小Bee Bee 似乎唔太瞭解詳情，但佢都比我同老公嘅興奮感染晒

我地三個好開心咁攬埋一舊，不斷咁跳黎跳去，仲大叫；「好野好野!!」

難得 Bosco 同爸爸，媽媽由加拿大返香港渡假，我地當然要搵 d 好玩嘅節目大家一齊 have fun 喇~


小Bee Bee ：「我地去呢度呀，好唔好?」


Bosco ：「Good idea, let's go!」
小Bee Bee ：「媽咪，Bosco 講咩呀?」

註： Bosco 只係識講英文，小Bee Bee 只係識聽中文... 佢地真正係來自兩個唔同世界嘅人


令我極度開心興奮嘅一幕： Tiger baby 真係太可愛喇! 佢嘅手掌好滑，身體好溫暖... 我真係好鍾意 tiger baby 呀


小Bee Bee (singing~)：「Ba Ba Black Sheep... 點解你唔係黑色嘅 」


抱完 tiger baby，輪到睇大老虎表演! 小Bee Bee 同老公都睇到目定口呆~


呢個動物園好大，有好多唔同嘅動物，真係好好玩，好值得參觀
當中包括有： 大象


袋鼠


樹熊


長頸鹿


坐火車呢 part 好正，不斷有好多好多不同種類嘅大小動物響身邊行過，簡直係大埋頭大制作!



到夜晚我地就去睇馬戲團~

呢個馬戲團同我以前睇過果 d 好唔同，呢個馬戲團加入左好多新嘅表演元素，例如：極精彩嘅籠中電單車表演...


老公對呢個馬戲團評價奇高! 話絕對值得推介


響酒店訓醒一覺，我地第二日嘅節目比較輕鬆 - 就係去打機喇